قصه كامله مشوقه
المحتويات
بسرعه والله ماحصل انا
قاطعه ساره انا عرفت انه محصلش ماما قالتلى انها هى الى الفت الحكايه دى علشان ابعد عنك
على بغيظ وليه تعمل كده
ساره حكتله كل الكلام الى نعيمه قالته وبعد ماسمع صعبت عليه نعيمه وعزرها فى الى عملته
كملت ساره انا علقت نفسى بجاسر علشان اهرب من حبك حتى لما ماما قالتلى انك بتتصل تسال عليا وانك لسه عايزنى قولت لنفسى اكيد ساب الى بيحبها وملقاش غيرى كنت موجوعه قوى منك علشان كده مكنتش برد على مكلماتك ولا رسايلك
ساره ابتسمت ومستنى ايه عشان تحققه
على بصلها قوى كنت مستنى اسمعها منك
ساره وانا بقولك ااهو انى بحبك وعايزه اتجوزك
على ضحك طيب هتطلبينى من بابا امتى
ساره ضحكت قوى لا بقى كده كتير ده اخرى معاك عمى ده عليك انت
بصوا الاتنين على الباب لقوا عمها محمود واقف على الباب مبتسم جريت ساره عليه حضنته عمو حبيبى وحشتنى قوى سامحنى على بعدى عنك طول الفتره الى فاتت
محمود ابتسم انتى بنت الغالى الله يرحمه وغلوتك فى قلبى كبيره قوى مهما حصل هتفضل زى ماهى ودلوقت مش هتبقى بنت الغالى بس لا هتبقى مرات الغالى كمان
محمود المهم حددوا الجواز بسرعه علشان انا عايز احفاد كتير انا بقولكم اهو
ساره اتكسفت وعلى بصلها وغمزلها وهو بيقول لابوه من عنيا ياحاج ليك عليا تستلم منى كل سنه عيل
ساره برقت ووشها كله بقى احمر وبصت لعمها بتوتر ااانا همشى ياعمو بقى علشان متاخرش.
على بصلها وهو طاير من الفرحه استنى هجيب المفاتيح واجى اوصلك
شاروتها براسها موافقه ثوانى ورجعلها تانى اخدها ونزل ركبوا العربيه وطلع بيها بصلها على واتكلم بصوت كله غيره احمم هو انتوا لسه قاعدين عند خالتك
ابتسمت لما حست بضيقه اه انت عارف انها قاعده لوحدها ومصممه نفضل معاها
ساره بصتله بحب ياحبيبى جاسر بالنسبالى مش اكتر من اخ صدقنى انا الى فى قلبى ليك عمرى ماحسيته مع حد غيرك خلى عندك ثقه فى كده
على وقف العربيه وبصلها ڠصب عنى ياحبيبتى قلبى بيوجعنى كل لما افتكر انه فى يوم كان خطيبك وليه حق فيكى وقلبى بينحرق لما بتخيله بيحب فيكى
على مسك اديها وياترى قدرتى ساعاتها تنسى
ساره بصتله لا !! كنت اول لما ببقى لوحدى بطلع صورتك وافضل اتكلم معاها كانك قصادى ولما اتعب من العياط اخدها فى حضنى وانام
على باس اديها وبصلها بحب كلها كام يوم وتخدينى كلى فى حضنك مش صورتى بس
ساره سحبت اديها بكسوف روحنى بقى احنا فى الشارع عيب كده
ضحك على وساق العربيه لحد البيت وهما فى منتهى السعاده
تانى يوم عند مريم صحيت من النوم مكنش بدر موجود جنبها بصت للساعه لقتها عشره قالت لنفسها اكيد راح الشغل كفايه فضل معايا امبارح طول اليوم ومرداش يسبنى
لسه هتقوم لقت بدر داخل بصنيه عليها الفطار
بصتله باستغراب انت مانزلتش الشغل
ساب الصنيه من ايده وراح قعد جنبها وقرب منها قوى على فكره ممكن عادى تقوليلى صباح الخير يا حبيبى وتبوسينى وبعدها تسالينى ماروحتش الشغل ليه
مريم ابتسمت وقرب باسته من خده صباح الخير يا قلبى
رفع حاجبه بغيظ ايه
ده !!
مريم ابتسمت فى ايه
بدر بقى عامل فطار فايف ستار وجايب ورد وفى الاخر اخد بوسه على خدى كانك بتلزقى ورقة بوسطه
رد عليها بنفس البوسه صباح العسل الى مدوب قلبى فيه
تعالى بقى افطرى واشربى كبايه اللبن دى كلها
مريم الضيق بان على وشها اول لما شافت اللبن بصت لبدر بترجى بص ياحبيبى انا هاكل زى مانت عايز بس وحياتى عندك بلاش اللبن انا عمرى ماحبيته ابدا
بدر قرب الاكل وبدا ياكلها يعنى انتى يرضيكى ابنك ولا بنتك الى فى بطنك يطلع ضعيف وعضمه وسنانه بايظين علشان امه رفضت تشرب اللبن
مريم بصتله قوى وحضنت بطنها پخوف لا
بدر ابتسم على سزاجتها خلاص يبقى لازم تشربى كل يوم الصبح وبليل والا النونو الغبان ده هيبقى ضعيف وهفتان
مريم لا خلاص هشرب
بدر اخدها فى حضنه قوى هو عارف ان البيبى بياخد كل الفيتامينات والكالسيوم الى محتاجه من جسمها بس مرداش يقولها انه خاېف عليها هى علشان مش هيهمها نفسها قرب من ودنها وهمس بحب بحبك قوى
مريم بعدت عن حضنه وابتسمت وانا بمۏت فيك
مريم ياحبيبى صدقنى انا بقيت كويسه سبنى اقوم احضره انا كفايه انك بقالك يومين سايب شغلك
بدر مين الى قال انى سايب شغلى انا روحت الصبح جب كل الشغل الى محتاج يخلص معايا هخلصه هنا وانا معاكى
مريم قامت طيب علشان خاطرى سينى اعمل انا الاكل وروح خلص شغلك
بدر بصلها باستسلام ماشى بس لو حسيتى بتعب تدخلى ترتاحى على طول
باسته مريم بسرعه حاضر
سابته وطلعت المطبخ وهو دخل مكتبه يخلص شغله شويه وتليفونه رن ايوا يانادر عملت ايه
نادر مالوش اثر فى اى فندق ولا حتى بنسيون
بدر بغيظ يعنى ايه ساب مصر ده مرجعش الصعيد
نادر صدقنى يابدر انا قلبت عليه الدنيا مش موجود عموما انا عندى ماموريه يومين وراجع وهادور تانى
بدر ماشى يانادر تروح وتيجى بالسلامه معلش تعبتك معايا
ضحك نادر عيب عليك دااحنا صحاب من ايام الجيزه
ضحك بدر هو كمان ماشى ياصاحبى سلام
قفل معاه وهو بيفكر روحت فين ياابن جابر الزفت
فى شاليه فى اسكندرية كان عمار بقاله يومين بيلف حوالين نفسه من ساعت مابيرى بلغته بحمل مريم وقف يتكلم زى المچنون يعنى ايه خلاص اكده روحتى منى يامريم اخدك بدر وهتبجى ام عياله
شويه والباب اتفتح ودخلت بيرى جرى عليها عمار بغل ومسكها من دراعها بقوه بجى انتى تضحكى عليا وتجوليلى انهم عايشين كيف الاخوات وفى الاخر تطلع حبله منيه وانا نايم على ودانى
زقيته بيرى بعيد عنها قعد كده واهدى علشان نعرف نفكر هنعمل ايه
بعد عمار عنها وهو بيشد فى شعره نعمل ايه فى ايه ماخلاص اكده خلصت وبدر هو الى كسب وضحك عليا
بيرى بغل لسه مخلصت ياعمار وانا مش هسيب حقى
عمار بصوت عالى حج !! حج ايه ده الى ليكى ومن مين ماخلاص بجيت مارته والى كان كان !! انتى السبب لو مكنتش مشيت وراكى كان زمانى جتلته وخلصت منيه ورچعتها ليا
بيرى لو فضلت تنوح كتير كده هسيبك وامشى اقعد واهدى علشان نقدر نفكر ولو انت متنازل عن حقك فى مريم انا مش هسيب بدر لغيرى حتى لو هقتله
عمار بصلها قوى ومسبتنيش اجتله من البدايه ليه
بيرى زعقت انت غبى كده كده كان خلاص اتجوزها ولا انت فاكر انها حملت فى كام يوم بس!!! احنا فيها الى فى بطنها ده لازم ينزل وهحرق قلبه عليها
عمار ايه ناويه تجتليها هى كمانى
بيرى ببرود وليه لا انت لسه باقى عليها بعد مااختارت غيرك
عمار سكت ودور وشه كملت بيرى كلامها باستهزاء ليه حق بدر يشوفك فى نظره قليل
لف عمار مره واحده وضربها بالقلم فوجى لحالك مش عمار الزينى الى حرمه تجوله اكده ولا تتحكم فيه
بيرى بغل ازاى بقى اذا كان حته عيله متحكمه فيك ومخلياك مريل عليها
عمار لا عاشت وكانت الى تخلينى اريل عليها وانا هسبتلك حديدى ديه
سابها وخرج من الشاليه وهى ابتسمت بغل وحطت اديها على خدها اقسم بالله لادفعت حق القلم ده غالى قوى
فى بيت الدهاشنه كان صالح قاعد فى مكتبه وقدامه ورق وصور كتير بص لعليش الى واقف قصاده عرفت طريج الارض ديه فين كويس
عليش ايوا ياسيد الناس انى بجالى كام يوم مراجبه زين فى كل خطوه لحد ماراح عيند الارض الجبليه وهناك لقيت ناس كاتير بيحفروا وكان فى كمانى راچل شكله كباره جوى واجف معاه وناوله شنطه لما فتحها لجيت فيها فالوس كاتيره من الى بيجولوا عليها دررات
بصله صالح بس كويس انك عرفت تصور كل الى انت شوفته طلعت مش سهل ياعليش
ابتسم عليش بفخر اومال ايه ياحاچ مانى لازمن اتعلم كل حاچه ميشان وجت العوزه
صالح معاك حج خلاص روح انت دلوقيت
عليش امرك يا حاچ
اخد صالح تليفونه واتصل على رقم ايوا ياسيادة اللواء كله تمام ومعايا كل الادله الى حاضرتك طلبتها هتكون عنديك بكره الصبح انشاء الله
قفل معاه وهو بياخد نفسه براحه هانت ياچابر اخرتك جربت جوى ورينى هتطلع منيها ازاى المرادى _____
فى ارض بعيده عن العمار فى جنوب الصعيد كان العمال شغالين حفر وواقف معاهم دجال بيحدد ليهم اماكن الحفر بعد مابيقرأ طلاسم ويبعد اى لعنات موجوده
كان جابر واقف لبعيد شويه مراقب كل حاجه وواقف معاه راشد الطحاوى اكبر تاجر اثار فى البلد
وعضو فى مجلس الشعب الى بيدارى فيها تجارته قرب منهم الشيخ وافى وهمس فى ودن جابر ورجع تانى مكانه بصله راشد قوى فى ايه بيقولك ايه وافى
جابر ولا حاچه كان محتاچ زيبج تانى ميشان الى حداه خلص
راشد بزهق وهو مبيجبش حاجته ليه مره واحده لازم يزهقنا جنبه
قرب عليه جابر بسرعه لا ياسعادة البيه ابوس يدك بلاش تغلط فيه لحسن ده بيسمع دبت النمله
راشد بتكبر مايسمع هيعمل ايه ياعنى هو مش عارف انا مين وممكن اعمل فيه ايه
جابر عارف طبعا اومال ايه بس هو برضك مش جليل وسلطته عاليه جوى اسألنى أنى.. انى بجالى سنين شغال معاه وياما چابلى رزج كاتير من تحت الارض
راشد المهم عندك زيبق ولا لسه هنبعت نجيب
جابر لاه ماتخافيش عامل حسابى وجايب بزياده انى هبعت عويس البيت يروح يچيبه وياچى
ندا على عويس الحارس بتاعه وبعته البيت لحسيبه واتصل هو بيها الو ايوا ياحسيبه عويس چايلك هتلاجى فى الخزنه لفه ادهاله
حسيبه فيها ايه اللفه دى ياچابر
جابر مالكيش صالح نفزى وخلاص سلام
قفل معاها ورجع كمل مراقبه للعمال
من بعيد واقف مجموعه كبيره من العساكر والامن المركزى ومعاهم الرائد نادر الباشا
رفع نادر جهاز الارسال الخاص
بيه وبدا يعطى كل فرقه مهامها خليكم مستعدين عند الاشاره
الكل فى الجهاز
تمام يافندم
عند جابر وصل عويس بعد نص ساعه ومعاه الزيبق اخده منه وافى وبدا يحرقه ويعزم على باب المقبره الى
متابعة القراءة
